MY sweetest May, let love incline thee
T' accept a heart which he designs thee;
And as your constant slave regard it,
Syne for its faithfulness reward it:
'Tis proof a shot to birth or money,
But yields to what is sweet or bonny:
Receive it then with a kiss and smily,
There 's my thumb it will ne'er beguile thee.

How tempting sweet these lips of thine are!
Thy bosom white, and legs sae fine are,
That when in pools I see thee clean 'em,
They carry away my heart between 'em.
I wish, and I wish, while it gaes duntin,
O gin I had thee on a mountain;
Tho kith and kin and a' shou'd revile thee,
There's my thumb I 'll ne'er beguile thee.

Alane thro' flow'ry hows I dander,
Tenting my flocks, lest they should wander;
Gin thou 'll gae alang I 'll dawt thee gaylie,
And gi'e my thumb I 'll ne'er beguile thee.
O my dear lassie, it is but daffin
To had thy wooer up ay niff naffin:
That na, na, na, I hate it most vilely;
O say yes, and I 'll ne'er beguile thee.