Classic Poem

Before the Greeks durst enterpryse
In armes to Troy toun to go
They set a Counsell sage and wyse
Apollo's ansueir for to kno
Hou they suld speid and haif succes
In that so grit a busines.

Then did they send the wysest Grekis
To Delphos, whare Apollo stode;
Wha, with the tearis upon thair cheeks
And with the fyrie flammis of wod
And all such rites as wes the guyse
They made that grit god sacrifyce.

When they had endit thair requests,
And solemnely thair service done
And drunke the wyne, and kild the beists
Apollo made them ansueir soon
Hou Troy and Trojans haiv they suld
To use them hailly as they wold.

Whilk ansueir maid thame not so glad
That thus the victors they suld be
As evin the Ansuer that I had
Did gritly joy and comfort me,
When lo thus spak Apollo myne:
All that thou seeks, it sall be thyne.