Classic Poem

[O lyuely herte]

O lyuely herte moost good
Of blyssed Chryst Iesu
That bouþt w i t h thy dere blood
The soule of man vntrue
Now for thy grete vertue
Cle n se my poore soule so clene
That no synne may be sene.

All vanytees day and nyght
Whiche vnto me may chau n ce
Eschue by thy grete myght
In thy swete remembrau n ce
Housell / shryft / and penau n ce
Graunt me or that I dye
And heuen eternally.
Amen.
Pater noster. Aue maria.

[Thy ryþt fote]

Thy ryþt fote lord so fayre
In goodnesse do me lede
In thy wyll to repayre
The ryght way for to spede
The way of synfull dede
Good lorde lete me not vse
But wylfull refuse.

If I haue gone amyse
By dede or by consent
Swete syr forgyue me this
For now I do repent
With all my hole intent
As hertely as I may
Of pardon I the pray
Amen.
Pater noster. Aue maria.