1

O gracious princes guid and fair,
Do weill to Iames, your wardraipair,
Quhais faythfull bruder maist freind I am:
He is na dog, he is a lam.

2

Thocht I in ballet did with him bourde,
In malice spack I newir an woord,
Bot all, my dame, to do you gam:
He is na dog, he is a lam.

3

Your hienes can nocht gett an meter
To keip your wardrope, nor discreter
To rewle your robbis and dres the sam:
He is na dog, he is a lam.

4

The wyff that he had in his innis,
That with the taingis wald braek his schinnis,
I wald schou drownet war in a dam:
He is na dog, he is a lam.

5

The wyff that wald him kuckald mak,
I wald schou war, bayth syd and back,
Weill batteret with an barrou tram:
He is na dog, he is an lam.

6

He hes sa weill doin me obey
In till all thing, thairfoir I pray,
That newir dolour mak him dram:
He is na dog, he is a lam.