KEITHA:
AN ELEGY ON THE DEATH OF MARY, THE COUNTESS OF WIGTON .
RINGAN .
O' ER ilka thing a gen'ral sadness hings:
The burds wi' melancholy droop their wings;
My sheep and kye neglect to moup their food,
And seem to think as in a dumpish mood.
Hark! how the winds souch mournfu' thro' the broom,
The very lift puts on a heavy gloom.
My neighbour Colin too, he bears a part,
His face speaks out the fairness of his heart;
Tell, tell me, Colin, for my boding thought,
A bang of fears into my breast has brought.
COLIN .
Where hast thou been, thou simpleton, wha speers
The cause of a' our sorrow and our tears?
Wha unconcern'd can hear the common skaith
The warld receives by lovely Keitha's death?
The bonniest sample of what 's good and kind,
Fair was her make, and heav'nly was her mind:
But now this sweetest flower of a' our plain
Leaves us to sigh; tho' a' our sighs are vain,
For never mair she 'll grace the heartsome green;
Ay heartsome, when she deign'd there to be seen.
Speak, flow'ry meadows, where she us'd to wauk;
Speak, flocks and burds, wha 've heard her sing or tauk;
Did ever you sae meikle beauty bear?
Or ye so mony heav'nly accents hear?
Ye painted haughs, ye minstrels of the air,
Lament, for lovely Keitha is nae mair.
RINGAN .
Ye westlin winds, that gently us'd to play
On her white breast, and steal some sweets away,
Whilst her delicious breath perfum'd your breeze,
Which gratefu' Flora took to feed her bees;
Bear on your wings round earth her spotless fame,
Worthy that noble race from whence she came.
Resounding braes, where'er she us'd to lean,
And view the crystal burn glide o'er the green,
Return your echoes to our mournfu' sang,
And let the streams in murmurs bear 't alang.
Ye unkend pow'rs wha water haunt or air,
Lament, for lovely Keitha is nae mair.
COLIN .
Ah! wha cou'd tell the beauties of her face?
Her mouth, that never op'd but wi' a grace?
Her een, which did with heav'nly sparkles low?
Her modest cheek, flush'd with a rosie glow?
Her fair brent brow, smooth as th' unrunkled deep,
When a' the winds are in their caves asleep?
Her presence, like a simmer's morning ray,
Lighten'd our hearts, and gart ilk place look gay.
Now twin'd of life, these charms look cauld and blae,
And what before gave joy now makes us wae.
Her goodness shin'd in ilka pious deed, —
A subject, Ringan, for a lofty reed;
A shepherd's sang maun sic high thoughts decline,
Lest rustic notes should darken what 's divine.
Youth, beauty, graces, a' that 's good and fair,
Lament! for lovely Keitha is nae mair!
RINGAN .
How tenderly she smooth'd our master's mind,
When round his manly waist her arms she twin'd,
And look'd a thousand saft things to his heart,
While native sweetness sought nae help frae art.
To him her merit still appear'd mair bright,
As yielding she own'd his superior right.
Baith saft and sound he slept within her arms,
Gay were his dreams, the influence of her charms.
Soon as the morning dawn'd he 'd draw the screen,
And watch the op'ning of her fairer een,
Whence sweetest rays gusht out in sic a thrang,
Beyond expression in my rural sang.
COLIN .
O Clementina! sprouting fair remains
Of her wha was the glory of the plains;
Dear innocence, with infant darkness blist,
Which hides the happiness that thou hast mist,
May a' thy mither's sweets thy portion be,
And a' thy mither's graces shine in thee.
RINGAN .
She loot us ne'er gae hungry to the hill,
And a' she ga'e, she geed it wi' good will;
Fow mony, mony a ane will mind that day,
On which frae us she 's tane sae soon away;
Baith hynds and herds whase cheeks bespake nae scant,
And throu' the howms could whistle, sing, and rant,
Will miss her sair till happily they find
Anither in her place sae good and kind.
The lasses wha did at her graces mint,
Ha'e by her death their bonniest pattern tint.
O! ilka ane who did her bounty skair,
Lament! for gen'rous Keitha is nae mair!
COLIN .
O Ringan, Ringan! things gang sae unev'n,
I canna well take up the will of Heav'n.
Our crosses teughly last us mony a year,
But unco soon our blessings disappear.
RINGAN .
I 'll tell thee, Colin, my last Sunday's note,
I tented well mess Thomas ilka jot.
The powers aboon are cautious as they 're just,
And dinna like to gie o'er meikle trust
To this unconstant earth, with what 's divine,
Lest in laigh damps they should their lustre tine.
Sae, let 's leave aff our murmuring and tears,
And never value life by length of years;
But as we can in goodness it employ,
Syne wha dies first, first gains eternal joy.
Come, Colin, dight your cheeks and banish care,
Our lady 's happy, tho' with us nae mair.
AN ELEGY ON THE DEATH OF MARY, THE COUNTESS OF WIGTON .
RINGAN .
O' ER ilka thing a gen'ral sadness hings:
The burds wi' melancholy droop their wings;
My sheep and kye neglect to moup their food,
And seem to think as in a dumpish mood.
Hark! how the winds souch mournfu' thro' the broom,
The very lift puts on a heavy gloom.
My neighbour Colin too, he bears a part,
His face speaks out the fairness of his heart;
Tell, tell me, Colin, for my boding thought,
A bang of fears into my breast has brought.
COLIN .
Where hast thou been, thou simpleton, wha speers
The cause of a' our sorrow and our tears?
Wha unconcern'd can hear the common skaith
The warld receives by lovely Keitha's death?
The bonniest sample of what 's good and kind,
Fair was her make, and heav'nly was her mind:
But now this sweetest flower of a' our plain
Leaves us to sigh; tho' a' our sighs are vain,
For never mair she 'll grace the heartsome green;
Ay heartsome, when she deign'd there to be seen.
Speak, flow'ry meadows, where she us'd to wauk;
Speak, flocks and burds, wha 've heard her sing or tauk;
Did ever you sae meikle beauty bear?
Or ye so mony heav'nly accents hear?
Ye painted haughs, ye minstrels of the air,
Lament, for lovely Keitha is nae mair.
RINGAN .
Ye westlin winds, that gently us'd to play
On her white breast, and steal some sweets away,
Whilst her delicious breath perfum'd your breeze,
Which gratefu' Flora took to feed her bees;
Bear on your wings round earth her spotless fame,
Worthy that noble race from whence she came.
Resounding braes, where'er she us'd to lean,
And view the crystal burn glide o'er the green,
Return your echoes to our mournfu' sang,
And let the streams in murmurs bear 't alang.
Ye unkend pow'rs wha water haunt or air,
Lament, for lovely Keitha is nae mair.
COLIN .
Ah! wha cou'd tell the beauties of her face?
Her mouth, that never op'd but wi' a grace?
Her een, which did with heav'nly sparkles low?
Her modest cheek, flush'd with a rosie glow?
Her fair brent brow, smooth as th' unrunkled deep,
When a' the winds are in their caves asleep?
Her presence, like a simmer's morning ray,
Lighten'd our hearts, and gart ilk place look gay.
Now twin'd of life, these charms look cauld and blae,
And what before gave joy now makes us wae.
Her goodness shin'd in ilka pious deed, —
A subject, Ringan, for a lofty reed;
A shepherd's sang maun sic high thoughts decline,
Lest rustic notes should darken what 's divine.
Youth, beauty, graces, a' that 's good and fair,
Lament! for lovely Keitha is nae mair!
RINGAN .
How tenderly she smooth'd our master's mind,
When round his manly waist her arms she twin'd,
And look'd a thousand saft things to his heart,
While native sweetness sought nae help frae art.
To him her merit still appear'd mair bright,
As yielding she own'd his superior right.
Baith saft and sound he slept within her arms,
Gay were his dreams, the influence of her charms.
Soon as the morning dawn'd he 'd draw the screen,
And watch the op'ning of her fairer een,
Whence sweetest rays gusht out in sic a thrang,
Beyond expression in my rural sang.
COLIN .
O Clementina! sprouting fair remains
Of her wha was the glory of the plains;
Dear innocence, with infant darkness blist,
Which hides the happiness that thou hast mist,
May a' thy mither's sweets thy portion be,
And a' thy mither's graces shine in thee.
RINGAN .
She loot us ne'er gae hungry to the hill,
And a' she ga'e, she geed it wi' good will;
Fow mony, mony a ane will mind that day,
On which frae us she 's tane sae soon away;
Baith hynds and herds whase cheeks bespake nae scant,
And throu' the howms could whistle, sing, and rant,
Will miss her sair till happily they find
Anither in her place sae good and kind.
The lasses wha did at her graces mint,
Ha'e by her death their bonniest pattern tint.
O! ilka ane who did her bounty skair,
Lament! for gen'rous Keitha is nae mair!
COLIN .
O Ringan, Ringan! things gang sae unev'n,
I canna well take up the will of Heav'n.
Our crosses teughly last us mony a year,
But unco soon our blessings disappear.
RINGAN .
I 'll tell thee, Colin, my last Sunday's note,
I tented well mess Thomas ilka jot.
The powers aboon are cautious as they 're just,
And dinna like to gie o'er meikle trust
To this unconstant earth, with what 's divine,
Lest in laigh damps they should their lustre tine.
Sae, let 's leave aff our murmuring and tears,
And never value life by length of years;
But as we can in goodness it employ,
Syne wha dies first, first gains eternal joy.
Come, Colin, dight your cheeks and banish care,
Our lady 's happy, tho' with us nae mair.
Reviews
No reviews yet.