Chorus

I'll ay ca' in by yon town,
And by yon garden green, again;
I'll ay ca' in by yon town,
And see my bonie Jean again. —

There 's nane sall ken, there 's nane sall guess,
What brings me back the gate again,
But she, my fairest faithfu' lass,
And stownlins we sall meet again. —
I'll ay ca' &c. —

She'll wander by the aiken tree,
When trystin time draws near again;
And when her lovely form I see,
O haith, she 's doubly dear again!
I'll ay ca' &c. —