Eastmuir king, and Wastmuir king,
And king o Luve, a' three,
It 's they coost kevils them amang,
Aboot a gay ladie.

Eastmuir king he wan the gowd,
An Wastmuir king the fee,
But king o Luve, wi his lands sae broad,
He 's won the fair ladie.

Thae twa kings, they made an aith,
That, be it as it may,
They wad slay him king o Luve,
Upon his waddin day.

Eastmuir king he brak his aith,
An sair penance did he;
But Wastmuir king he made it oot,
An an ill deid mat he dee!