Elle a tresbien ceste gorge d'Albastre,
Ce doulx parler, ce cler tainct, ces beaulx yeulx
Mais en effect ce petit rys follastre
C'est (a mon gre) ce qui luy sied le mieulx
Elle en pourroit les chemins, & les lieux
O u elle passe, a plaisir inciter:
Et si ennuy me venoit contrister,
Tant que par mort fust ma vie abbatue,
Il ne fauldroit, pour me resusciter,
Que ce rys la, duquel elle me tue.