HE .

Where wad bonny Anne ly?
Alane ye nae mair man ly:
Wad ye a goodman try?
Is that the thing ye 're laking?

SHE .

Can a lass sae young as I
Venture on the bridal tye,
Syne down with a goodman ly?
I 'm fleed he 'd keep me wauking.

HE .

Never judge until ye try,
Mak me your goodman, I
Shanna hinder you to ly,
And sleep till ye be weary.

SHE .

What if I should wauking ly,
When the hautboys are gawn by,
Will ye tent me when I cry,
My dear, I 'm faint and iry?

HE .

In my bosom thou shall ly,
When thou waukrife art or dry,
Healthy cordial standing by,
Shall presently revive thee.

SHE .

To your will I then comply,
Join us, priest, and let me try
How I 'll wi' a goodman ly,
Wha can a cordial gi' me.