BONNIE ran the burnie doon,
Wand'rin' and windin';
Sweetly sang the birds aboon,
Care never mindin'.

The gentle simmer wind
Was their nursie saft and kind,
And it rockit them, and rockit them,
All in their bowers sae hie.
Bonnie ran, &c.

The mossy rock was there,
And the water-lily fair,
And the little trout would sport aboot
All in the sunny beam.

Bonnie ran, &c.

Tho' simmer days be lang,
And sweet the birdies' sang,
The wintry night and chilling blight
Keep aye their eerie roun'.
Bonnie ran, &c.

And then the burnie's like a sea,
Roarin' and reamin';
Nae wee bit sangster's on the tree,
But wild birdies screamin'.

Oh that the past I might forget
Wand'rin' and weepin',
Oh that aneath the hillock green
Sound I were sleepin'.

Bonnie ran the burnie doon,
Wand'rin' and windin';
Sweetly sang the birds aboon,
Care never mindin'.